Xocasən sıxlığı aradan qaldıracaqmı?: “Əgər əlaqə gücləndirilsə...” - EKSPERT RƏYİ

“Qatarların sayını artırmaqla əlaqələri sürətləndirmək lazımdır”.

Bunu “yeni istifadəyə verilmiş Xocasən metro-stansiyası sıxlığın qaldırılmasına nə qədər kömək edəcək?” sualını cavablandıran nəqliyyat eksperti Rauf Ağamirzəyev Busaat.az-a açıqlamasında deyib.

O, bildirib ki, Xocasən stansiyasının istifadəyə verilməsi müsbət addımdır:

“Lakin burada bir neçə “amma” var – digər nəqliyyat vasitələrilə multimodallığın – avtobus-metro, elektrik qatarı-metro əlaqələrinin təşkil olunması.

Xocasən stansiyanının potensialı çox böyükdür. Diqqətlə müşahidə etsək dəmir yolu xəttinin sözügedən stansiyanın yaxınlığında yerləşdiyini görərik. Sumqayıt, Xırdalan, Xocasən, Lökbatan, Sahil qəsəbəsini, Ələti və 15 min insanın işlədiyi Sədərək ticarət mərkəzini yerüstü elektrik qatarı ilə metro stansiyasına əlaqələndirmə insanların rahat hərəkət etməsinə kömək edəcək.

Bənövşəyi xəttdə olan stansiyaların sayı çoxaldılamlıdır. Əlaqələndirmə Memar Əcəmi stansiyasında və digərlərində var. Bənövşəyi xətt şəhərin mərkəzinə gələrsə daha effektiv nəticələr əldə edərik. İndiki halda həmin stansiyadan yalnız Xocasəndə yaşayanlar istifadə edəcək.

Sıxlığın aradan qaldırılması üçün Abşerondakı dəmiryolunun potensialından istifadə etmək lazımdır. Qatarların sayını artırmaqla əlaqələri sürətləndirmək lazımdır. Hazırda nə Xırdalana, nə də Sumqayıta metro tikintisi konseptual planda yoxdur. Ancaq mövcud dəmiryol şəbəkəsini istifadə edib qatarların sayı, stansiyalarla əlaqə artırılsa, Sumqayıt və Xırdalan üçün mərkəzə gəliş Xocasən stansiyasındanda təşkil oluna bilər. Əgər sadaladıqlarım həyata keçirilsə nəqliyyatda sıxlıq aradan qalxa bilər”.

Busaat.az/Ələsgər