Yaponiyada uşaqlara qarşı zorakılıq halları artıb
Yaponiyada 2022-ci ilin aprelindən 2023-cü ilin martına qədər ölkə daxilində 219 min 170 uşaq zorakılığı hadisəsi qeydə alınıb.
Busaat.az xəbər verir ki, bu barədə ölkənin Uşaq və Ailə Agentliyinin son məlumatında bildirilib.
Agentliyin sözlərinə görə, 2022-ci ilin aprelindən 2023-cü ilin martına qədər ölkə üzrə uşaq məsləhət mərkəzlərinə rekord sayda sui-istifadə halları ilə bağlı müraciət qeydə alınıb.
1990-cı ildən bəri Yaponiyada ən yüksək sayda müşahidə olunan uşaq zorakılığı hallarının son 32 ildə davamlı artdığı vurğulanıb.
Psixoloji zorakılıq 129 min 484 hadisə ilə ən çox uşaq istismarı növüdür. Psixoloji zorakılığı 51 min 679 ilə fiziki zorakılıq, 35 min 556 ilə baxımsızlıq və 2 min 451 ilə cinsi təcavüz izləyir.
Yaponiyada illik uşaq istismarı halları 1999-cu ildə 10 mini, 2015-ci ildə 100 mini, 2020-ci ildə isə 200 mini keçib.
Qeyd edək ki, məlumatlar 18 yaşdan aşağı yaş qrupuna aiddir.
