Fevralın 16-da Prezident İlham Əliyevin müvafiq sərəncamı ilə Rəssamlıq Akademiyasının rektoru vəzifəsinə təyin edilmiş Natiq Əliyev müəssisə kollektivinə təqdim olunub.
Busaat.az xəbər verir ki, tədbirdə elm və təhsil naziri Emin Əmrullayev, eləcə də təhsil müəssisəsinin pedaqoji kollektivi iştirak ediblər.
Elm və təhsil naziri Natiq Əliyevin akademiyaya rektor təyin olunması ilə bağlı sərəncamı diqqətə çatdırıb və yeni rektora fəaliyyətində davamlı uğurlar arzulayıb.
Rektor Natiq Əliyev ona göstərilən etimada görə minnətdarlığını bildirib və üzərinə düşən vəzifəni yüksək səviyyədə yerinə yetirəcəyini söyləyib.
Qeyd edək ki, Xalq rəssamı Natiq Kamal oğlu Əliyev Prezident İlham Əliyevin fevralın 15-də imzaladığı Sərəncamla Azərbaycan Rəssamlıq Akademiyasının rektoru təyin olunub.
