Yunanıstanın xarici işlər naziri Nikos Dendias Serbiyada keçirdiyi danışıqlarda Türkiyə əleyhinə danışmağa davam edib. Egey dənizindəki suverenlik hüquqlarından imtina etməyəcəklərini bildirən Dendias, suverenlik hüquqlarını müdafiə etmək üçün hər cür qanuni vasitələrdən istifadə edəcəklərini qeyd edib.
Busaat.az xəbər verir ki, Yunanıstanın xarici işlər naziri Nikos Dendias bu gün Belqradda Serbiya baş nazirinin müavini və xarici işlər naziri İvitsa Daçiç ilə görüşdən sonra Türkiyə ilə bağlı açıqlamalar verib.
Dendias Türkiyəyə qarşı ittihamlar səsləndirərək, Yunanıstanın suverenliyini və suveren hüquqlarını beynəlxalq hüquq və beynəlxalq dəniz hüququ çərçivəsində müdafiə etməyə davam edəcəklərini bildirib.
Dendias əlavə edib: “Neo-Osmanlı baxışları və müharibə təhdidləri ilə birləşən revizionizm, Yunanıstanın Türkiyənin absurd hekayəsində hər gün qarşılaşmalı olduğu bir şeyə çevrilib. Biz Ege dənizində suveren hüquqlarımızı müdafiə etmək üçün bütün hüquqi vasitələrdən istifadə edəcəyik”.
Busaat.az
