MAQATE Zaporojye AES-in təhlükəsizlik planının hazırlanmasının son mərhələsindədir.
Busaat.az xəbər verir ki, bu barədə “Rosatom”un baş direktoru Aleksey Lixaçev bildirib.
Bundan əvvəl Lixaçev Pekində MAQATE-nin baş direktoru Rafael Qrossi ilə Zaporojye AES-də təhlükəsizlik məsələlərini müzakirə edib.
“Biz baş verənlərlə bağlı qiymətləndirmələri mübadilə edəndə, birgə planları tənzimləyəndə, digər tərəfdən də başa düşürük ki, MAQATE və Qrossinin təmsil etdiyi rəhbərlik plan hazırlamağın son mərhələsindədir”, – Lixaçev deyib.
O, qeyd edib ki, Rosatom MAQATE-nin Zaporojye AES-in təhlükəsizliyinin təmin edilməsinə yönəlmiş hərəkətlərini dəstəkləyir.
Qeyd edək ki, Zaporojye AES Dnepr çayının sol sahilində, Enerqodar şəhəri yaxınlığında yerləşir. Bu, aqreqatların sayına və quraşdırılmış gücünə görə Avropanın ən böyük atom elektrik stansiyasıdır. Stansiyada hər birinin gücü 1 giqavat olan altı enerji bloku var.
Busaat.az
