Rusiya ilə Türkiyə arasındakı münasibətlərdə mədəni və humanitar əməkdaşlıq xüsusi yer tutur.
Busaat.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova bildirib.
“Sürətlə inkişaf edən ikitərəfli münasibətlərimiz bir neçə əsas şeyə əsaslanır. Birincisi, bu, çiçəklənməkdə olan ən yüksək səviyyədə səmimi siyasi dialoqdur. Demək olar ki, bəlkə də ikitərəfli münasibətlərimizin tarixində heç vaxt belə səmimi, güclü və səmərəli əməkdaşlıq görməmişik və bu, bütün digər sahələrə də təkan verir”, – diplomat qeyd edib.
Zaxarovanın sözlərinə görə, Rusiya-Türkiyə münasibətləri həm də qarşılıqlı faydalı iqtisadi əməkdaşlığa əsaslanır.
“Təəccüblüdür, çünki həm Rusiya, həm də Türkiyə ictimai inkişaf fəlsəfəsində həmişə azad və ya kifayət qədər liberal olmamaqda ittiham olunur. Bəs liberalizm nədir? Liberal iqtisadiyyatdır, bazar prinsipləri əsasında inkişaf edən iqtisadiyyatdır. Bununla belə, bizim münasibətlərimiz məhz, bu iqtisadi xüsusiyyətlərə malikdir”, – Rusiya XİN sözçüsü əlavə edib.
Zaxarovanın fikrincə, Rusiya ilə Türkiyə arasındakı münasibətlərdə mədəni və humanitar əməkdaşlıq xüsusi yer tutur.
