”Zəngəzur dəhlizi Ermənistan üçün qəbuledilməzdir”.
Busaat.az xəbər verir ki, bunu çərşənbə axşamı baş nazir Nikol Paşinyan “Əl-Cəzirə” telekanalına müsahibəsində deyib.
“Bu, bizim üçün qırmızı xətdir. Bizim regionda üçtərəfli razılaşmaya əsasən, bir dəhliz var – Dağlıq Qarabağı Ermənistanla birləşdirən Laçın dəhlizi”, – deyə Paşinyan bildirib.
Eyni zamanda o xatırladıb ki, üçtərəfli bəyanatda kommunikasiyaların açılması ilə bağlı bənd var.
“Biz buna hazırıq və artıq bu məsələni ikitərəfli suverenlik və sərhədlərin toxunulmazlığı prinsipinə hörmət əsasında müzakirə edirik”, – Paşinyan vurğulayıb.