ABŞ-da iflas işləri ilə məşğul olan vəkil Mark S. Zukerberq “Meta”ya qarşı məhkəmə iddiası qaldıraraq onun sosial media hesabının məşhur “Facebook” qurucusu ilə eyni ada malik olduğu üçün bir neçə dəfə bağlandığını iddia edib.
Busaat.az-ın xəbərinə görə, İndiana hüquqşünası bildirib ki, onun hesabı son 8 ildə beş dəfə dayandırılıb və nəticədə iş yerləri itirilib.
Zukerberq bildirib ki, “Meta” onu məşhura çevrilməkdə ittiham edib və onun şəxsiyyətini sənədlər və fotolarla dəfələrlə sübut etməsinə baxmayaraq, hesabı dayandırılıb.
11 min dollar zərər çəkib
Vəkilin məhkəmə vəsatətində deyilir ki, onun “Facebook” reklamları ədalətsiz olaraq silinib, nəticədə 11 min dollar ziyan var.
Meta hesabın məhkəməyə verildikdən sonra səhvən bağlandığını etiraf edib və yenidən açıb. Şirkət açıqlamasında bildirib: “Mark Zukerberqin hesabı səhvən bağlandı. Səbrinə görə təşəkkür edirik. Bunun bir daha baş verməməsi üçün addımlar atırıq”.
Yeganə
