AFFA İntizam Komitəsi iki komandaya texniki məğlubiyyət verib.
Busaat.az xəbər verir ki, bu barədə qurumun iclasında qərar qəbul edilib.
U-12 Liqasında “Kürdəmir ” – “Çərəkə” (Göyçay) oyunu meydan sahiblərinin heyətində yetərsay olmadığına görə baş tutmayıb. Bu səbəbdən “Kürdəmir”ə 0:3 hesablı texniki məğlubiyyət verilib.
U-10 Liqasında “Karvan” (Yevlax) və “Antiguoko İnternational” komandalarının oyununda isə Yevlax təmsilçisi təyin edilən vaxtda meydanda çıxmadığına görə 0:3 hesablı texniki məğlubiyyətlə üzləşib.
