Çinə birbaşa xarici investisiyalar 2022-ci ildə əvvəlki ilə nisbətən 8 faiz artıb.
Busaat.az xəbər verir ki, Bu barədə Çin Ticarət Nazirliyi açıqlama yayıb.
Açıqlamaya görə, ölkəyə birbaşa xarici investisiyalar yanvar-dekabr dövründə illik 8 faiz artaraq 189,13 milyard dollara çatıb.
İl ərzində ən çox investisiya yatıran ölkələr Cənubi Koreya, Almaniya və İngiltərə olub.
Avropa İttifaqı (Aİ) ölkələrindən investisiyalar 92,2 faiz, Kəmər və Yol Təşəbbüsü (BRI) çərçivəsindəki ölkələrdən 17,2 faiz, Cənub-Şərqi Asiya Millətləri Assosiasiyası (ASEAN) ölkələrindən isə 8,2 faiz artıb.
Qabaqcıl texnologiyalar sahəsinə qoyulan investisiyalar 28,3 faiz artdığı halda, onun ümumi həcmdə payı 36,1 faiz təşkil edib.
