Alyaskada təlim uçuşundan qayıdarkən ABŞ ordusuna məxsus 2 helikopterin toqquşması nəticəsində 3 əsgər həlak olub, 1 əsgər yaralanıb.
Busaat.az xəbər verir ki, ordudan verilən açıqlamada, 25-ci Aviasiya Alayına məxsus “AH-64 Apache” tipli helikopterlərin hər birində qəza zamanı 2 nəfərin olduğu bildirilib.
Açıqlamada Alyaskanın Healy bölgəsində baş verən qəzada 2 əsgərin hadisə yerində, bir əsgərin isə xəstəxanaya aparılarkən həyatını itirdiyi, yaralanan əsgərin isə xəstəxanada müalicə olunduğu bildirilib. Vurğulanıb ki, həlak olan əsgərlərin yaxınlarına məlumat verilməyənə qədər onların adları açıqlanmayacaq, qəzanın səbəbləri araşdırılır.
Bu, bu il Alyaskada hərbi helikopterlərin iştirakı ilə baş verən ikinci qəzadır. Fevral ayında “Apache” tipli vertolyotun Talkitnadan qalxdıqdan dərhal sonra qəzaya uğraması nəticəsində 2 əsgər yaralanmışdı.
Busaat.az
