ABŞ-ın müdafiə naziri Lloyd Ostinin Filippinə səfəri çərçivəsində ölkədəki 4 hərbi bazanın istifadəsi ABŞ-a verilib.
Busaat.az xəbər verir ki, qərar ABŞ-ın müdafiə naziri Ostinin Filippin Prezidenti Ferdinand Bonqbonq Markosu ziyarət etməsindən qısa müddət sonra elan edilib.
İki ölkə arasında daha əvvəl imzalanan Genişləndirilmiş Müdafiə Əməkdaşlıq Sazişi (EDCA) çərçivəsində alınan qərarla ABŞ-ın Filippində istifadə icazəsi olan hərbi bazalarının sayı 9-a yüksəlib.
Digər tərəfdən, Sakit Okeanda fəaliyyətini artıran ABŞ, Çinlə təhlükəsizlik müqaviləsi imzalayan Solomon adalarında səfirlik açdığını açıqlayıb.
