ABŞ “Xarici təsirin şəffaflığı haqqında” qanunu qəbul etdiyi üçün Gürcüstana dərhal viza sanksiyaları tətbiq etmək niyyətindədir.
Busaat.az xəbər verir ki, lakin gələcək məhdudiyyətləri hələ açıqlamayıb. Bunu brifinqdə ABŞ Dövlət Departamentinin mətbuat xidmətinin rəhbəri Metyu Miller deyib.
“Biz açıq şəkildə bildirdik ki, onları tətbiq etməkdən çəkinməyəcəyik”, – Miller deyib.
Diplomat qeyd edib ki, ABŞ Gürcüstan parlamentinin qəbul etdiyi bu qanunun qəbulundan çox narahatdır.
Vaşinqtonun fikrincə, Gürcüstan bu addımı ilə demokratik yoldan çıxır. Vaşinqton hazırda Tbilisi ilə münasibətlərini təhlil edir və bu qanunun qəbuluna cavab olaraq hərəkət variantlarını nəzərdən keçirir.
Qeyd edək ki, mayın 14-də Gürcüstan parlamenti Avropa İttifaqı və ABŞ-ın sərt bəyanatlarına səbəb olan “Xarici təsirin şəffaflığı haqqında” qanunu üçüncü oxunuşda qəbul edib.
Vəfa Aslan,
Busaat.az
