“ABŞ-ın başsağlığını qəbul etmirik, rədd edirik”.
Busaat.az xəbər verir ki, bu barədə Türkiyə Daxili İşlər naziri Süleyman Soylu dünən İstanbulun İstiqlal küçəsində 6 nəfərin ölümü ilə nəticələnən bombalı hücumdan sonra açıqlama verib.
İstanbul Polis İdarəsi isə, terrorçunun hadisəni PKK-nın göstərişi ilə həyata keçirdiyini açıqlayıb.
Süleyman Soylu “qətiyyətli cavab verəcəyik” deyə xəbərdarlıq edib.
“Bizə verilən mesajı aldıq və mesajın nə olduğunu bilirik. Amerika səfirliyinin başsağlığı mesajını qəbul etmirik, rədd edirik. Təbii ki, Kobanidə terroru dəstəkləyən və oradan Türkiyədəki sabitliyi pozmağa çalışan dövlətlə ittifaqımız müzakirə olunmalıdır” – deyə, Soylu əlavə edib.
“Biz heç kimin düşməni deyilik, heç kimə xəyanət etmirik. Bildirmək istəyirəm ki, bizim xəyanətə dözməyə gücümüz yoxdur. Əməliyyatlar davam edir. Əgər terrorçular tutulmasaydılar, bu gün Yunanıstana qaçacaqdılar. PYD-ni kim dəstəkləyirsə, günahkar odur. Qatilləri çox müzakirə etməyin mənası yoxdur. Əsas sifarişdir” – deyə, türk nazir qeyd edib.
