ABŞ-nin şirkətlərə, fiziki şəxslərə və ya mülklərə qarşı maliyyə sanksiyaları bu və ya digər formada dünya ölkələrinin üçdə birinə təsir edib.
Busaat.az xəbər verir ki, bu barədə Amerikanın “The Washington Post” nəşri məlumat yayıb.
Məlumata görə, hazırda aşağı gəlirli ölkələrin 60%-dən çoxu ABŞ sanksiyaları altındadır.
Qeyd olunur ki, Birləşmiş Ştatlar hər hansı digər dövlətdən üç dəfə çox sanksiya tətbiq edir və təkcə keçən il Vaşinqtonun məhdudiyyətləri üç mindən çox insana təsir edib.
Bildirilib ki, Amerika sanksiyaları onlara tabe olan ölkələrə böyük ziyan vurur.
Beləliklə, Kubaya həyati dərmanlar almağa, Suriyaya isə hərbi əməliyyatlardan sonra ölkəni bərpa etməyə imkan vermirlər.
Həmçinin ABŞ-nin Venesuelaya qarşı sanksiyaları Bolivar Respublikasında iqtisadi böhrana səbəb olub.
Ariz Həsənoğlu
