Amerika Birləşmiş Ştatlarının (ABŞ) Beynəlxalq İnkişaf Agentliyi (USAID) Ukraynaya humanitar yardım üçün 374 milyon ABŞ dolları ayırıb.
Busaat.az xəbər verir ki, bunu ABŞ prezidenti Co Bayden çərşənbə günü ölkəsində səfərdə olan Ukrayna prezidenti Volodimir Zelenski ilə birgə mətbuat konfransında bildirib.
“Bu gün USAID Ukraynaya təcili humanitar yardım üçün 374 milyon dollardan çox vəsait ayırıb” – deyə, Bayden bildirib.
USAİD-in məlumatına görə, pul Ukraynanın ən çox zərər çəkmiş bölgələrində yaşayan insanlara və köçkünlərə kömək üçün nəzərdə tutulub: “Maliyyə tərəfdaşlarımıza 1,5-2,5 milyondan çox insana təcili ehtiyac duyulan ərzaq və pul yardımı, habelə səhiyyə, humanitar mühafizə, təhlükəsiz içməli su və kanalizasiya xidmətləri, qışa hazırlıq və sığınacaqların təmiri ilə bağlı kömək edəcək”.
Agentliyin hesablamalarına görə, ABŞ hakimiyyəti Rusiyanın Ukraynada hərbi əməliyyatı başlayandan bəri insanlara və ukraynalı qaçqınlara humanitar yardım üçün 1,9 milyard ABŞ dollarından çox vəsait ayırıb.
Busaat.az
