ABŞ və İsrail arasında hərbi-siyasi əlaqələr müzakirə edilib

 Covid-19 epidemiyasından sonra ABŞ və İsrail rəsmi heyətləri ilk dəfə üz-üzə görüşün və görüşdə iki ölkə arasındakı hərbi-siyasi əlaqələr müzakirə edilib.

Busaat.az xəbər verir ki, bu barədə məlumatı ABŞ Xarici İşlər Nazirliyi (XİN) yayıb.

Məlumata görə, ABŞ və İsrailin XİN və Müdafiə Nazirliyi nümayəndələri arasında Vaşinqtonda Siyasi-Hərbi Ortaqlıq çərçivəsində görüş baş tutub. İki ölkə rəsmiləri dünyanın ciddi dönüş nöqtəsinə qədəm qoyduğunu qəbul edərək, bildiriblər: “Bu gün keçirilən görüş, ABŞ-İsrail ortaq əlaqələrinin inkişafı və yeni fürsətlərin birlikdə dəyərləndirilməsi istiqamətində əlamətdar oldu. Görüşdə ABŞ-ın İranın nüvə silahı əldə etməsinə qarşı atdığı addımların sərtləşməsi, İsrailin təhlükəsizliyi və mövcud problemlərinin həllində ortaq addımlar atılması barədə danışıqlar aparılıb. Terrora qarşı birgə mübarizənin davam etdirilməsi istiqamətində də razılıq əldə olunub”.

Busaat.az