ABŞ və Səudiyyə Ərəbistanı İranın hücumuna hazırlaşır - Wall Street Journal

 Wall Street Journal qəzeti İranın yaxın gələcəkdə Səudiyyə Ərəbistanı və İraqa hücum etməyə hazırlaşacağına dair kəşfiyyat məlumatları əldə etdiyini, buna görə də Səudiyyə Ərəbistanı və ABŞ-ın təşvişə düşdüyünü yazıb.

Busaat.az xəbər verir ki, ABŞ-ın aparıcı qəzetlərindən olan Wall Street Journal-a danışan ABŞ və Səudiyyə rəsmiləri İranın diqqəti ölkə daxilindəki etirazlardan yayındırmaq üçün yaxın vaxtlarda Səudiyyə Ərəbistanı və İraqın Ərbil şəhərindəki bəzi hədəflərə hücum edə biləcəyini bildiriblər.

Bu kəşfiyyat məlumatının Səudiyyə Ərəbistanı tərəfindən ABŞ-a bildirildiyi qeyd edilən xəbərdə iki ölkə və bəzi digər ölkələrin ordularının həyəcan vəziyyətində olduğu bildirilib.

Ağ Ev Milli Təhlükəsizlik Şurasının rəsmisi məsələ ilə bağlı Anadolu Agentliyinə verdiyiaçıqlamada qeyd edib: “Biz İran təhlükəsindən narahatıq. Biz Səudiyyə Ərəbistanı ilə hərbi və kəşfiyyat kanalları vasitəsilə daim əlaqə saxlayırıq. Regiondakı maraqlarımızı və tərəfdaşlarımızı müdafiə etmək üçün hərəkətə keçməkdən çəkinməyəcəyik”.

Busaat.az