“Moskva administrasiyası Tehrana İrandakı etirazları yatırtmaqla bağlı tövsiyələr edə bilər”.
Busaat.az xəbər verir ki, bu barədə Ağ Evin sözçüsü Karine Jean-Pierre gündəlik mətbuat konfransında çıxış edib.
“Biz narahatıq ki, Moskva İrana İranda etirazların yatırılmasında özünün “yaxşı” təcrübələrini tövsiyə edə bilər. İran və Rusiya nə qədər təcrid olunsa, bir o qədər də yaxınlaşırlar. İrana mesajımız aydındır: öz xalqınızı öldürməyi və ukraynalıları öldürmək üçün Rusiyaya silah göndərməyi dayandırın” – deyə, Jean-Pierre hər iki ölkənin etirazları sərt vasitələrlə yatırdığına diqqət çəkib.
Ağ Evin Milli Təhlükəsizlik Şurasının Strateji Kommunikasiyalar Direktoru Con Kirbi isə, qeyd edib: “Biz əminik ki, Rusiya etirazlara qarşı İrana hansısa formada kömək etməyi düşünür. Təəssüf ki, Rusiyanın bu məsələdə təcrübəsi var”.
Kirbi həmçinin bildirib ki, Rusiyanın Ukraynaya qarşı hər hansı nüvə silahından istifadə etməyə hazırlaşdığına dair əsaslı məlumat yoxdur.
Busaat.az
