Aİ ilə Ermənistan arasında əməkdaşlıq möhkəmlənir
“Avropa İttifaqı ilə Ermənistan arasında əməkdaşlıq bütün sahələrdə, təhlükəsizlik və davamlılıqdan tutmuş demokratik islahatlara qədər möhkəmlənir”.
Bakıvaxtı.az xarici mətbuata istinadla xəbər verir ki, bunu Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas deyib.
Tərəflər Ararat Mirzoyan və Kaya Kallas Maltada ATƏT-in Nazirlər Konfransı çərçivəsində görüşüblər.
“Mən Ermənistanın xarici işlər naziri Ararat Mirzoyanla görüşməyimə şadam. Aİ-Ermənistan əməkdaşlığı bütün sahələrdə – təhlükəsizlik və davamlılıqdan tutmuş demokratik islahatlara qədər möhkəmlənir. Mən regionda uzunmüddətli sülhün təşviqinə sadiq olduğumu bir daha təsdiqlədim”, – deyə Kallas bildirib.
Zeyd Bağırzadə
