Avropa İttifaqı (Aİ) Ukraynaya qoşun göndərilməsi məsələsində ümumi razılıq əldə edə bilmədiyi üçün bu istiqamətdə bir neçə ölkənin daxil olduğu xüsusi koalisiya yaradılmasını nəzərdən keçirir.
Busaat.az bu barədə xarici mediaya istinadla xəbər verir.
Məlumata görə, Aİ-nin bu tip koalisiyasında 5-8 dövlət təmsil oluna bilər. Bu dövlətlər NATO-dan asılı olmayan, əksinə, Kiyevlə ikitərəfli razılaşmaya əsaslanan və əməli fəaliyyət göstərməyə qərarlı olan ölkələr olacaq.
Eyni zamanda, Britaniya və Fransa artıq Ukraynaya əsgər göndərilməsi məsələsini müzakirə edib. Bundan başqa, Kiyev bu mövzuda Baltikyanı və Skandinaviya ölkələri ilə də danışıqlar aparıb.
