Almaniya İrandakı vətəndaşlarını ölkəni tərk etməyə ÇAĞIRDI

 Almaniya hökumətinin İrandakı nümayişlərə görə vətəndaşlarını ölkəni tərk etməyə çağırdığı bildirilib.

Busaat.az xəbər verir ki, Almaniya Xarici İşlər Nazirliyindən verilən açıqlamada İrana səyahət xəbərdarlığı edilib və Almaniya vətəndaşlarından ölkəni tərk etmələri istənilib.

“Almaniya vətəndaşları üçün əsassız həbs, sorğu-sual və uzunmüddətli həbs kimi konkret təhlükə var” – deyə, bəyanatda bildirilib.

Qeyd edək ki, Sentyabrın 13-də Tehranda “əxlaq polisi” tərəfindən saxlanıldıqdan sonra xəstəxanaya aparılan 22 yaşlı Məhsa Əmininin sentyabrın 16-da vəfat etməsi ölkədə hiddətə səbəb olub.

Sentyabrın 17-də Əmininin dəfnindən sonra doğulduğu Sakkız şəhərində başlayan nümayişlər ölkənin bir çox şəhərlərinə yayılıb.

Busaat.az