Almaniya hökumətinin Ukraynaya Leopard 1 tanklarının çatdırılmasına icazə verdiyi açıqlanıb.
Busaat.az xəbər verir ki, bu barədə “Sueddeutsche Zeitung” qəzeti hökumət mənbələrinə istinadən məlumat yayıb.
Qəzetin yazdığına görə, Almaniya hökuməti Leopard 1 tanklarının birbaşa sənaye ehtiyatlarından Ukraynaya çatdırılmasına razılıq verib.
Almaniyanın silah istehsalçısı Rheinmetall və Flensburger Fahrzeugbau Gesellschaft onlarla Leopard 1 tankının təmiri və yenilənməsinə diqqət yetirir, alman şirkətləri isə Kiyev onları almaq istəsə, dərhal Ukraynanı təchiz edə biləcək.
Almaniya Gepard üçün Qətərlə danışıqlar aparır.
Həmçinin Almaniya hökuməti Qətərdən Kiyevə göndəriləcək 15 Gepard zenit tankı və daha çox sursat almaq üçün danışıqlar aparır.
Qeyd edək ki, Almaniya yanvarın 25-də Ukraynaya 14 Leopard tankı tədarük edəcəyini açıqlamışdı.
Busaat.az
