Estoniyanın Xarici İşlər naziri Urmas Reinsalu Ukraynadakı müharibəyə görə Avropa ölkələrinin müdafiə xərclərini iki dəfə artırmalı olduğunu bildirib və öz ölkəsinin milli müdafiə xərclərini ÜDM-in 3%-nə çatdırmağı planlaşdırdığını deyib.
Busaat.az xəbər verir ki, bu barədə Reuters xəbər agentliyi məlumat yayıb.
Reinsalu bir neçə ölkədən olan həmkarları ilə birlikdə Kiyevə səfər edib: “Biz istərdik ki, Avropa ölkələri Ukrayna müharibəsi zamanı və müharibədən sonra müdafiə xərclərini iki dəfə artırsın və biz ÜDM-in 3%-ni milli müdafiəyə xərcləyəcəyik. Avropa İttifaqı birlikdə Ukraynaya hərbi yardım üçün ÜDM-nin təxminən 0,2%-ni istifadə edir və mən söz verdim ki, əgər biz 1%-ə çata bilsək, bu, müharibənin gedişatını dəyişdirməkdə önəmli rol oynayacaq və böyük fərq yaradacaq”.
Ukraynanın Baş naziri Denis Şmihal isə, Twitter hesabında Reinsalu və digər 6 nazirin səfəri çərçivəsində Aİ sanksiyalarının sərtləşdirilməsi, Ukraynanın enerji infrastrukturunun yenidən qurulması, maliyyə dəstəyi və Ukraynanın “Avroatlantik istəkləri” ilə bağlı müzakirələrin aparıldığını yazıb.
Busaat.az
