69-cu “Avroviziya-2025” beynəlxalq mahnı müsabiqəsi İsveçrənin Bazel şəhərində keçiriləcək.
Busaat.az Eurovision.tv-yə istinadən xəbər verir ki, yarışmanın yarımfinalları 13 və 15 may, finalı isə 17 may tarixində olacaq.
Müsabiqə “St. Jakobshalle” idman arenasında baş tutacaq.
Xatırladaq ki, İsveçrə bu ilin mayında Malmö şəhərində keçirilən “Avroviziya-2024”də ölkə təmsilçisi Nemo-nun “The Code” mahnısı ilə qalibiyyətindən sonra yarışmanı keçirmək hüququ qazanıb. Azərbaycan 2025-ci ildə müsabiqədə iştirak edəcəyini təsdiqləyib.
