Avtomobillə Qəzzaya dəstək yürüşünə qatılan velosipedçiləri vurdu

Madridin mərkəzində Fələstinə dəstək üçün keçirilən yürüş zamanı bir kişi avtomobili velosipedçilərin üzərinə sürüb.

Busaat.az xəbər verir ki, bu barədə İspaniyanın “Pais” qəzeti məlumat yayıb.

Məlumata görə, hadisə axşam saatlarında baş verib.

“Cümə axşamı bir kişi avtomobili Fələstinə dəstək yürüşündə iştirak edən bir qrup velosipedçinin üzərinə sürdü və 5 etirazçını yaraladı”, – qəzet bildirir.

Hadisədən sonra həmin şəxsin dərhal hadisə yerindən qaçdığı bildirilir. Lakin 1 saat sonra özü polisə gələrək törətdiyi əməli etiraf edib.

Polis həmin şəxsin əvvəllər məhkumluğunun olmadığını və hadisə zamanı sərxoş olmadığını təsdiqləyib. Sürücü saxlanılmayıb, lakin onun barəsində “təhlükəli sürücülük” maddəsi ilə istintaq başladılıb.

Pəri Əlizadə,
Busaat.az