Azərbaycan Vinq Çun Döyüş Sənəti Federasiyası “İlk tibbi yardım” adlı seminar təşkil edib.
Azərbaycan Vinq Çun Döyüş Sənəti Federasiyasının mətbuat xidmətindən AZƏRTAC-a bildiriblər ki, seminar Bakı Biznes Universitetinin akt zalında keçirilib.
Bakı şəhər təcili və təxirəsalınmaz tibbi yardım stansiyasının həkimi Azər Sahibinin rəhbərliyi ilə seminarda iştirak edənlərə, xəsarət alan yaralıya ilk tibbi yardımın necə edilməsi haqda nəzəri və praktiki bilgilər öyrədilib.