Bakı Mühəndislik Universitetinə (BMU) ilanlar daraşıb.
Bu barədə Busaat.az-ın redaksiyasına təhsil müəssisəsinin bir qrup tələbəsi tərəfindən məlumat daxil olub.
Qeyd olunub ki, müxtəlif növdə bir neçə ilan ali məktəbin həyətində tələbələr tərəfindən görünüb.
Tələbələr bundan təşvişə düşsələr də, xoşbəxtlikdən heç bir xoşagəlməz hal qeydə alınmayıb. Amma buna baxmayaraq, tələbə və müəllimlər hər an təhlükə ilə üzləşə biləcəklərindən öz narahatlıqlarını bildirirlər.
Məlumata görə, universitetin yerləşdiyi ərazi şəhərdən kənarda və ətrafı çöl sahələri olması və bununla yanaşı son günlər havaların isti keçməsi ilanların yerdəyişməsinə səbəb olur.
Mütəxəssislərin fikrincə, ilanlar qoxuya qarşı həssasdır və onların ərazidən uzaqlaşması üçün həmin yerlərə kükürd tozu səpmək kifayətdir.
