Azərbaycanda yoluxma sayı nəyə görə artdı? - SƏBƏB

“Təəssüf ki, vətəndaşlarımız qaydalara düzgün riayət etmir, qoruyucu maska və tibbi əlcəkdən istifadə etmirlər”.

Busaat.az xəbər verir ki, bu sözləri Nazirlər Kabineti yanında Operativ Qərargahın keçirdiyi brifinqdə çıxışı zamanı İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib.

Zaur Əliyev qeyd edib ki, yoluxma sayındakı artımın başlıca səbəbi karantin rejiminin yumşaldılması olub:

“Əvvəllər hər 10 nəfərdən 5-i maska taxırdı. Lakin hazırda tibbi maskadan istifadə edənlərin sayında azalma müşahidə olunur, sosial məsafə gözlənilmir. Ona görə də yoluxanların sayı artır. Təəssüf ki, bu gün 67 yeni yoluxma və 2 ölüm qeydə alınıb”.