Azərbaycanlılar Xankəndi-Gorus avtomobil yolunu bağladı - ARMENPRESS

Bir qrup mülki geyimli azərbaycanlı Xankəndi-Gorus avtomobil yolunu bağlayıb.

Busaat.az xəbər verir ki, bu iddia ilə bağlı xəbəri ARMENPRESS agentliyi yayıb.

Agentliyin seperatçıların informasiya qərargahına istinadən verdiyi məlumata görə, mülki geyimli bir qrup azərbaycanlı ekoloji problemləri səbəb gətirərək Xankəndi-Gorus avtomobil yolunu bağlayıb.

“Aydındır ki, Azərbaycan bu addımı ilə Ermənistanla Artsax arasında quru əlaqəni kəsmək və dinc əhalini psixoloji terrora məruz qoymaq üçün təxribata əl atır” – deyə, məlumatda qeyd edilib.

”Qarabağda yerləşən Rusiya sülhməramlı qoşunlarının komandanlığı insidentlə bağlı lazımi qaydada məlumatlandırılıb. Səlahiyyətli dövlət orqanları vəziyyəti həll etmək üçün bütün mümkün tədbirləri görür” – deyə, məlumata əlavə edilib.

Busaat.az