8 oktyabrda erməni Baş leytenant Miqran Avdalyan işğal edilən Dağlıq Qarabağdakı döyüş mövqelərindən birində 7 hərbçini mühasirədən çıxartdığına görə II dərəcəli “Döyüş xaçı” ordeni ilə təltif edilib. Ancaq cəmi bir gündən sonra o, Azərbaycan Ordusu tərəfindən sərrast atəşlə məhv edilib.
Busaat.az xəbər verir ki, bu haqda məlumatı erməni mediası yayıb
Sinif yoldaşı Anik Marqaryanın Facebook səhifəsində dediyi kimi, döyüş mövqeyində olarkən onun həyat yoldaşı uşaq dünyaya gətirib: “Miqran yeni doğulmuş körpəni görməyə belə vaxt tapmayıb”.
O, Miqranın ölmüş bir əsgər rolunu aldığı məktəb tamaşasını xatırladıb:
“Gözlərindəki parıltı ilə bir oyuncaq silahı götürdü, bir neçə dəfə yıxıldıqdan sonra ayağa qalxdı və sonda o qədər təbii şəkildə “ölərək” səhnəyə yıxıldı. Bu vaxt sinif yoldaşlarının çoxu qorxdu. Ancaq Miqran heç nə olmamış kimi başını qaldırdı, gözlərini qırpdı və gülümsədi. İndi isə bu reallıqdır.
Miqran iki övladını, sevdiyi qadını və qohumlarını tərk etdi ki, hamımız onun üçün yaşayaq” deyə Marqaryan yazıb.
