Nigeriyanın Yobe əyalətində “Boko Haram” terror təşkilatına maddi-texniki dəstək verən 12 nəfər saxlanılıb.
Busaat.az xəbər verir ki, bu barədə Nigeriya Müdafiə Nazirliyinin Media Əməliyyatlar Direktoru Edvard Buba məlumat yayıb.
Yazılı açıqlamada ordunun Yobe əyalətinin Qucba bölgəsində “Boko Haram”a qarşı əməliyyatlarını davam etdirdiyini bildirib.
Buba ordunun ərzaq məhsulları, külli miqdarda yanacaq və 3,1 milyon naira (təxminən 106 min 600 TL) nağd pul ələ keçirdiyini söyləyib.
2000-ci illərin əvvəllərindən Nigeriyada mövcud olan “Boko Haram”ın 2009-cu ildən bəri həyata keçirdiyi kütləvi zorakılıqlarda on minlərlə insan həyatını itirib.
Xatırladaq ki, təşkilat 2015-ci ildən ölkənin sərhəd qonşuları Kamerun, Çad və Nigerdə də hücumlar həyata keçirir.
