Bolqarıstan Milli Məclisi sentyabrın 15-dən Ukrayna taxılının idxalına qoyulan qadağanın aradan qaldırılması ilə bağlı qanun layihəsini təsdiqləyib.
Busaat.az-ın məlumatına görə, bu barədə ölkə parlamentindən bildirilib.
Qanun layihəsinə 124 deputatın “hə” səsi, 69 deputatın isə “xeyr” səsi verilib. 8 deputat səsvermədə bitərəf qalıb.
Bolqarıstanın Ukrayna ilə həmrəyliyini təsdiq edən qanun layihəsində Ukrayna buğdası, qarğıdalı, kolza və günəbaxan toxumlarına qoyulan qadağanın sentyabrın 15-dən götürülməsi nəzərdə tutulur.
Digər tərəfdən layihədə bu qərarın Bolqarıstanın kənd təsərrüfatı məhsullarının rəqabət qabiliyyətinə xələl gətirməyəcəyi vurğulanıb.
