
Boris Conson Ukraynada Volodimir Zelenski ilə görüşüb - VİDEO
Böyük Britaniyanın baş naziri Boris Conson Ukrayna prezidenti Volodimir Zelenski ilə görüşüb.
Kiyevdə baş tutan görüşdə tərəflər Ukraynanın təhlükəsizliyi məsələlərini müzakirə ediblər.
Boris Conson Zelenskiyə ölkəsinin dəstəyini ifadə edib.
Baş nazir bildirib ki, Birləşmiş Krallıq Rusiya Ukrayna torpaqlarına ayağını basdığı anda ona qarşı sanksiyalar tətbiq edəcək.
“Rusiyanın Ukraynanı işğal etməsi, şübhəsiz ki, siyasi, humanitar fəlakət olacaq. Eyni zamanda, Rusiya və dünya üçün hərbi fəlakət olacaq” – deyə Conson vurğulayıb.
Volodimir Zelenski sərhəddə gərginliyin yatırılması üçün Rusiyanı qoşunlarını geri çəkməyə çağırıb.
Zelenski ötən gün Silahlı Qüvvələrinin sayının üç il ərzində 100 min nəfər artırılmasına dair sərəncam imzalayıb.
Sərəncamda, eyni zamanda, hərbi qulluqçuların maaşının artırılması, onlar üçün mənzil proqramı genişləndirilməsi nəzərdə tutulur.























