Dünyanın aparıcı avtomobil ehtiyat hissələri tədarükçüsü olan “Bosch” Almaniyadakı müəssisələrində işçilərini ixtisar edəcəyini açıqlayıb.
Busaat.az “Reuters”ə istinadən xəbər verir ki, bu barədə “Bosch”un nəzarət şurasının sədr müavini Frank Sell məlumat verib.
Onun sözlərinə görə, şirkətin ehtiyat hissələri departamentində 8-10 min arasında işçi ixtisar olunacaq:
“işçi nümayəndələri və həmkarlar ittifaqları tətilləri nəzərə alaraq, 2025-ci il üçün fəaliyyət planı hazırlayıblar. “Bosch” təxminən 8250 nəfəri işdən çıxarmağı planlaşdırır. Çətin iqtisadi mühit və avtomobil sənayesində davam edən transformasiya, digər şirkətlər kimi bizi də böyük çətinliklərlə qarşı-qarşıya qoyur. Bizim üçün bu şərtlər altında rəqabət qabiliyyətimizi qorumaq vacibdir”.
Zeyd Bağırzadə
