Burkina Fasoda 2 fransız jurnalist deportasiya edilib. Belə ki, Courrier International qəzeti və Liberation üçün çalışan Agnes Faivre və Le Monde müxbiri Sofi Douce-nin 31 Martda Burkina Fasodakı Vaqadugu administrasiyası tərəfindən çağırıldığı və 24 saat ərzində ölkəni tərk etmələrinin istənildiyi bildirilib.
Busaat.az xəbər verir ki, bu barədə Courrier International qəzeti özü məlumat yayıb.
Qəzetin xəbərinə görə, Milli Təhlükəsizlik İdarəsinə çağırılan iki fransız jurnalistə məsul polkovnik deyib: “Akreditasiyanız və mətbuat kartınız ləğv edilib. Burkina Fasodan çıxmaq üçün 24 saatınız var”.
Deportasiya qərarından sonra ölkəni tərk edən Faivre və Douce artıq Fransanın paytaxtı Parisə qayıdıb.
Jurnalistlərin deportasiyasının səbəbləri ilə bağlı hələlik rəsmi açıqlama verilməyib.
Qeyd edək ki, Burkina Faso martın 27-də Əl Qaidə terror təşkilatına bağlı bir qrupun lideri ilə müsahibə verdiyini əsas gətirərək Fransa ictimai televiziyası France 24-ün yayımını dayandırıb.
Hökumət France 24 telekanalının terror qruplaşmasının lideri ilə müsahibə verərək, onların sözçüsü kimi çıxış etdiyini və terrora haqq qazandırdığını açıqlayıb.
Busaat.az
