Bursanın Gemlik rayonunda mikroavtobusla minik avtomobilinin toqquşması nəticəsində 2-si ağır olmaqla 12 nəfər xəsarət alıb.
Busaat.az xəbər verir ki, qəza Kumla–Armutlu yolunda baş verib. Toqquşmadan sonra avtomobillər yararsız hala düşüb, yaralılar isə təcili tibbi yardım maşınları ilə xəstəxanaya çatdırılıb.
Hadisədən sonra sürücülər arasında mübahisə baş verib və bu mübahisə dava-dalaşa çevrilib. Yumruq və təpiklə davam edən insidentə polis müdaxilə edib, lakin tərəfləri ayırmaq asan olmayıb.
Qəza və dava anı həvəskar kameralar tərəfindən qeydə alınıb.
Nərmin Səmidova
