Çili sahillərində 6,3 bal gücündə zəlzələ baş verib.
Busaat.az-ın əldə etdiyi xəbərə görə, bu barədə Çili Milli Seysmoloji Mərkəzi (CSN) məlumat yayıb.
Bildirilib ki, episentri ölkənin Elqui əyalətinin sahilyanı Tonqoy şəhərində dərinliyi 35 km olan 6,3 bal gücündə zəlzələ yerli vaxtla saat 20:48-də baş verib.
Səlahiyyətlilər təbii fəlakət zamanı can və ya mal itkisinin olmadığını açıqlayıb.
Qeyd edək ki, dünyanın ən yüksək seysmik aktivliyə malik ölkələrindən biri olan Çili “Od halqası” kimi tanınan Sakit Okean Zəlzələ Kəmərində yerləşir.
Xatırladaq ki, 2010-cu il fevralın 27-də ölkədə baş verən 8,8 bal gücündə zəlzələ və onu müşayiət edən sunami nəticəsində 500-dən çox insan həyatını itirib.
