Çin Astana formatı çərçivəsində əməkdaşlığa hazırdır

Çin Suriya böhranının həllinə və Suriyada sülh və sabitliyə nail olmaq üçün Astana formatı ölkələri ilə əməkdaşlığa hazırdır.

Busaat.az xəbər verir ki, bu barədə Çin Xarici İşlər Nazirliyinin sözçüsü Mao Ninq məlumat yayıb.

“Astana formatı fəaliyyətə başladığı gündən Suriyada böhranın deeskalasiyası və hərbi əməliyyatların dayandırılması səylərinin əlaqələndirilməsində konstruktiv rol oynayır. Çin bu formata böyük əhəmiyyət verir və sülhün bərpası üçün formatın bütün iştirakçıları ilə işləməyə hazırdır” – deyə, sözçü bildirib.

Rusiya prezidentinin Suriya üzrə xüsusi nümayəndəsi Aleksandr Lavrentyev noyabrın 23-də mətbuat konfransında bildirib ki, Suriya üzrə Astana formatında keçirilən 19-cu beynəlxalq görüşün nəticələrinə görə Rusiya Çinin bu səylərdə müşahidəçi qismində iştirakının faydalı olacağına əmindir.

O əlavə edib ki, Türkiyə tərəfi hələ də bunun faydalı olub olmayacağını araşdırır.

Qeyd edək ki, Suriyada sülh prosesinin təşəbbüskarı olan Astana formatının tərəfləriTürkiyə, Rusiya və İrandır. Bu formatda danışıqlar 2017-ci ilin yanvarında Qazaxıstanın paytaxtı Astanada başlayıb.

Busaat.az