Çin Yerin kvazi-peykinə missiya göndərəcək.
Busaat.az xəbər verir ki, bu barədə “China Daily” qəzeti məlumat yayıb.
Məlumata görə, 2025-ci ilin mayında Çin Yerin kvazipeyklərindən biri olan Kamoaleva asteroidinə (469219) missiya göndərməyi planlaşdırır.
Bildirilib ki, “Tianven-2” missiyası planetdən 14,5 milyon kilometr aralıda yerləşən asteroiddən torpaq nümunələri toplamağı planlaşdırır.
Alimlər həmçinin Kamoalevanın Ayın parçası olub-olmadığını öyrənməyə ümid edirlər.
Missiyanın gözlənilən müddətinin 2,5 il olduğu nəzərə çatdırılıb.
Qeyd olunub ki, asteroid nümunələri olan bir kapsulu Yerə atdıqdan sonra Tianwen-2 stansiyası 311P/PANSTARRS kometinə doğru istiqamət götürəcək.
Vəli Hüseynov
