Çinin CH-4 silahlı kəşfiyyat pilotsuz təyyarəsi Tayvana yaxınlaşıb.
Busaat.az xəbər verir ki, bu barədə məlumatı Tayvan Müdafiə Nazirliyi yayıb.
Məlumata görə, PUA manevrləri zamanı bir müddət Tayvan boğazını keçib.
Ötən gün Müdafiə Nazirliyi adanın yaxınlığındakı ərazidə Çin Xalq Azadlıq Ordusunun Hərbi Dəniz Qüvvələrinin dörd gəmisini və doqquz təyyarəsini qeydə alıb.
Xüsusilə, iki Y-8 dəniz patrul təyyarəsi Tayvanın hava hücumundan müdafiə zonasına daxil olub. Buna cavab olaraq Tayvan hərbçiləri hava patrulları və radio siqnalları göndərib və raketdən müdafiə sistemlərini aktivləşdiriblər.
Qeyd edək ki, son aylarda Çin mütəmadi olaraq belə manevrlər həyata keçirir. Tayvan boğazı yaxınlığında gərginlik ABŞ Nümayəndələr Palatasının spikeri Nensi Pelosinin avqustun 2-3-də Tayvana səfərindən sonra güclənib.
Tayvan 1949-cu ildən bəri öz administrasiyası tərəfindən idarə olunur və bu tarixdən müstəqilliyini elan edib. Rəsmi Pekin Tayvanı Çin Xalq Respublikasının əyaləti hesab edir.
Busaat.az
