ABŞ ordusunun ehtiyatda olan polkovnik-leytenantı Danyel Devis ABŞ-nin Suriyadakı 900 əsgərini və texnikasını dərhal çıxarmağa çağırıb.
Busaat.az xəbər verir ki, bu barədə Devis öz sosial şəbəkəsində yazıb.
O bildirib ki, ABŞ-nin Suriyada saxladığı hərbi qüvvələr ölkəyə heç bir fayda gətirmir və Yaxın Şərqdə ABŞ-nin təhlükəsizliyini yalnız qoşunların geri çəkilməsi təmin edə bilər.
Qeyd edək ki, Suriyada son vaxtlar müxalif qruplaşmalar hökumət qüvvələrinə qarşı irimiqyaslı hücumlar həyata keçirib. Noyabrın 28-də müxaliflər Hələb şəhərini ələ keçirib, daha sonra isə Homs və Hama şəhərlərində mövqelər tutaraq Dəməşqə yaxınlaşıblar. Dekabrın 8-nə keçən gecə müxalif qüvvələr Dəməşqi tamamilə nəzarətə götürüblər.
Zeyd Bağırzadə
