Bu gün Qətərdə keçirilən Dünya Çempionatı-2022-nin qalibi Argentina millisi olub.
Busaat.az xəbər verir ki, finalda son çempion Fransa millisi ilə Argentina üz-üzə gəlib.
“Lusail” stadionunda keçirilən və polşalı referi Şimon Marçinyakın idarə etdiyi oyun Bakı vaxtı ilə saat 19:00-da başlayıb.
Oyunun əsas vaxtı 2:2 hesabı ilə bərabər bitib. Əlavə 30 dəqiqəlik oyunda da tərəflər hərəyə bir qol vurub və beləcə, qalibi müəyyən etmək üçün oyun penaltilər seriyasında davam etdirilib. Penaltilər seriyasında isə, Argentina 4:2 hesabı ilə qalib gəlib.
Qeyd edək ki, həm Fransa, həm də Argentina millisi ikiqat dünya çempionudur. Bu gün penalti seriyasında qələbə qazanan Argentina millisi üçüncü dəfə dünya çempionluğunu rəsmiləşdirib.