Birləşmiş Ərəb Əmirliklərinin paytaxtı Əbu-Dabidə uçan taksilər fəaliyyətə başlayacaq.
Busaat.az “Arabian Business”-ə istinadən xəbər verir ki, yeni nəqliyyat yaxın üç il ərzində şəhər sakinləri və qonaqlarının istifadəsinə veriləcək.
Hesablamalara görə, bu taksilər adi avtomobillərdə 60 və 90 dəqiqəlik gedişləri havada 10-20 dəqiqəyə qədər azaldacaq.
Uçan taksilər eyni vaxtda dörd sərnişin və bir pilotu daşıya biləcək.
Qeyd olunur ki, maşınlar elektrik enerjisi ilə işləyir və uçuşlar arasında minimum enerji doldurmaq tələb edir.
