Əfqanıstanın şimalında yerləşən Bəlx vilayətinin mərkəzi mahalı Məzari-Şərifdə zabitləri daşıyan avtobusa bombalı hücum təşkil edilib.
Busaat.az xəbər verir ki, hücum nəticəsində 7 nəfər həyatını itirib.
Bəlx Polis İdarəsinin sözçüsü Məhəmməd Asif Vəziri Seyidabad qovşağında həyata keçirilən hücumda daha 6 nəfərin yaralandığını bildirib.
Hadisə yerinə tibbi yardım qrupları göndərilib.
Hələlik heç kim hücuma görə məsuliyyəti üzərinə götürməyib.
Busaat.az