“Əl-Qaidə” və “İslam Dövləti” (İD) öz ardıcıllarını İsrail, ABŞ və yəhudilərdəki hədəflərə hücum etməyə çağırıb.
Busaat.az xəbər verir ki, bu barədə “The Guardian” yazır.
Son iki həftə ərzində Əl-Qaidə ilə əlaqəli şəxslər bir sıra bəyanatlar səsləndirərək, Həmas-ı “İsrailə hücum etdiyi” üçün təbrik ediblər.
Bildirilir ki, 4500-dən çox fələstinlinin ölümünə səbəb olan müharibə İslam dünyasında hiddətə səbəb olub.
Ekspertlərin fikrincə, bu, ekstremist qruplar üçün imkan yaradır.
Əl-Qaidənin Somalidəki qolu olan əl-Şəbab son açıqlamasında bildirib ki, Yaxın Şərqdəki münaqişə bütün müsəlman ümmətinin döyüşüdür.
“Müsəlmanlar bir araya gələrək yəhudilərə və onların ikiüzlü kafir müttəfiqlərinə qarşı mücahidləri dəstəkləmək üçün əllərindən gələni etməlidirlər”, – açıqlamada qeyd edilir.
“Əl-Qaidə”nin Hindistan, Yəmən və Suriyadakı digər qolu da oxşar bəyanatlar verib.
“Əl-Qaidə”nin Şimali və Qərbi Afrikadakı mərkəzləri HƏMAS-ın İsrailə hücumlarını yüksək qiymətləndirib və yəhudilərə qarşı zorakılıqların davam etdirilməsinə çağırış ediblər.
Pəri Əlizadə,
Busaat.az