Əlcəzair Rusiya qoşunlarının Ukraynaya daxil olması səbəbindən bağlandıqdan bir il sonra Kiyevdəki Səfirliyini yenidən açacaq.
Busaat.az xəbər verir ki, bu barədə Əlcəzair dövlət televiziyası Xarici İşlər Nazirliyinə istinadən məlumat yayıb.
Məlumata görə, bu qərar Əlcəzair dövlətinin maraqlarının və bu ölkədəki milli icmanın maraqlarının qorunması çərçivəsindədir.
“Ukraynada təhlükəsizlik vəziyyətinin pisləşməsi ilə əlaqədar fəaliyyətini dayandıran Əlcəzairin Kiyevdəki Səfirliyi müvəqqəti işlər vəkili tərəfindən idarə olunacaq”, – deyə ölkənin Xarici İşlər Nazirliyi bildirib.
“Səfirliyin yenidən açılması ilə bağlı qərar mümkün qədər tez qüvvəyə minəcək”, – bəyanatda deyilir.
Reuters xəbər verir ki, səfirlik ötən ilin martında rus qoşunlarının Ukraynaya daxil olmasından sonra bağlanıb.
