Twitter-in satışı prosesi başa çatıb. Twitter Inc-in yeni sahibi Elon Musk, satın alma prosesində onu aldatmaqda ittiham etdiyi top-menecerləri işdən çıxarıb.
Busaat.az xəbər verir ki, bu barədə ABŞ mətbuatında xəbərlər yer alıb.
Xəbərlərə görə Maskın Twitter-i satın almasının tamamlandığı bildirilib.
Sözügedən xəbərlərdə Maskın Twitter-in baş direktoru (CEO) Paraq Aqraval, Baş Maliyyə Direktoru (CFO) Ned Seqal, hüquq və siyasət meneceri Vijaya Qadde və baş məsləhətçi Sean Edgetti işdən çıxardığı qeyd edilib.
Əvvəllər Twitter-də 9,2% pay alan Elon Mask, aprelin 14-də SEC-ə verdiyi açıqlamada bütün Twitter-i satın almaq üçün hər səhmə 54,2 dollar təklif etdiyini bildirib. Aprelin 25-də Twitter-dən verilən açıqlamada şirkətin Maska satılması ilə bağlı razılığın əldə edildiyi söylənilib.
Ancaq Mask mayın 13-də sosial media şirkəti Twitter-i almaq barədə müqaviləni müvəqqəti olaraq dayandırdığını elan edib. Digər tərəfdən Twitter, müqaviləni ləğv etdiyi üçün Maskı məhkəməyə verib.
Bununla belə, Mask oktyabrın əvvəlində Twitter-ə 44 milyard dollarlıq sövdələşməni tamamlamaq üçün məktub göndərib və ilkin qiymətə yenidən təklif verib.
Artıq Tesla və SpaceX-in baş direktoru Elon Mask Twitter-i 44 milyard dollara alıb.
Busaat.az
