Türkiyənin energetika naziri Alparslan Bayraktar Akkuyu AES-in ilk reaktorunun 2024-cü ilin sonunda istifadəyə veriləcəyini gözləyir.
Busaat.az xəbər verir ki, o, Vyanada Beynəlxalq Atom Enerjisi Agentliyinin ( MAQATE) Baş Konfransında çıxışı zamanı bunu təsdiqləyib.
Energetika naziri bildirib ki, inşası davam edən Akkuyu AES hazırda dünyanın ən böyük nüvə obyektinin tikintisi sahəsidir. İlk reaktorun 2024-cü ilin sonunadək istifadəyə verilməsi planlaşdırılır. Enerji sektorunda prioritetimiz nüvə enerjisinin mühüm bir hissəsi olacağı, 2053-cü ilə qədər karbon neytrallığına nail olunmasında mühüm rol oynayacaq davamlı enerji siyasətinin formalaşdırılmasıdır”.
“2035-ci ilə qədər Türkiyədə istehsal olunan ümumi enerjidə nüvə enerjisinin payı 7,2 giqavat olacaq. 2050-ci ilin sonuna qədər bu rəqəmin 20 giqavattı ötəcəyini gözləyirik”, – nazir qeyd edib.
Onun sözlərinə görə, respublika kiçik modul nüvə reaktorlarının yaradılmasında maraqlıdır.
