Qərb Rusiya və Çin arasında müttəfiqlikdən narahatdır.
Busaat.az xəbər verir ki, bunu Türkiyə lideri Rəcəb Tayyib Ərdoğan deyib.
Ərdoğan bildirib ki , Qərb Rusiya ilə Çin arasında münasibətlərin inkişafından və Ukraynada istənilən nəticələrin əldə edilməməsindən ciddi narahatdır.
“Biz güclülərin hökm sürdüyü dünya nizamı ilə qarşı-qarşıyayıq. Məsələn, Rusiya Çinlə həmrəydir. Bu isə Qərbi ciddi şəkildə narahat edir”, – deyə o bildirib.
Türkiyə lideri qeyd edib ki, Qərb dövlətləri Ukraynaya maliyyə və maddi dəstək verir, lakin Ukraynada gözlədikləri nəticəni hələ əldə etməyiblər.
Eyni zamanda, Ərdoğan diqqətə çatdırıb ki, Ankaranın bu kontekstdə mövqeyi fərqlidir, çünki Türkiyə həm Rusiya, həm də Ukrayna ilə əlaqə saxlayır.
Ariz Həsənoğlu
